SEGURIDAT
Nos website ta un portal balioso di komunikashon na servisio di nos kliente-, empleado- i partnernan.
Nos ta monitòr tráfiko di network pa prevení kualke aktividat no outorisá. AQUALECTRA ta kompromet’é pa mantené e website liber di aktividat ilegal i pa kumpli ku lei.

INFORMASHON KU NOS TA REKOHÉ
Ora bo bishitá nos website, tin dos klase di informashon ku nos ta rekohé:
1. Informashon estadístiko no-personal ku ta rekohé den e anekso: kuantu persona ta bishitá nos website, kuantu biaha nan a bishitá un página, kon nan ta sùrf (nabegá) den nos site, etc.

2. Informashon personal ku bo ta suministrá nos konsientemente. Ora bo registrá pa haña informashon di bo kuenta òf sign in pa sierto produkto, na AQUALECTRA nos ta rekohé informashon ku ta yuda nos identifiká bo i asina outentiká bo. E informashon akí yama “informashon personal identifikabel” i ta us’é pa asosiá informashon di uso ku un individuo o entidat spesífiko. Ehèmpel di informashon personal identifikabel ta: nòmber di kliente, adrès, number di telefòn, adrès di e-mail, number di kuenta, etc., ku ta pèrmití nos duna bo servisio personalisá na un siguiente biaha ku bo bishitá nos site.

NOS NO TA BENDE NI NEGOSHÁ KU INFORMASHON
Sin bo outorisashon AQUALECTRA no ta bende ni negoshá ku bo informashon personal ku ningun tersera parti. Nos ta rekohé dato personal solamente pa duna mihó servisio na nos klientenan.

RISIBIMENTU DI E-MAIL
Korespondensia via e-mail ta duna AQUALECTRA un oportunidat kumbiniente pa informá tokante produkto nobo, nos tarifanan i eventual kambio di tarifa i servisionan nobo ku nos ta ofresé nos klientenan. Si bo no ke sigui risibí e-mail di AQUALECTRA, na kualke momento ku bo ke bo por laga kita bo nòmber di e lista di e-mail di AQUALECTRA. Bo por hasi esei dor di update informashon di bo profil na My Account.

LINKS PA OTRO WEBSITE
E website di AQUALECTRA tin link pa vários otro website. Por tin otro site ku tin maneho diferente di privasidat ku loke ta e kaso pa e website di AQUALECTRA. AQUALECTRA no ta responsabel ni pa kontenido di e linknan en kuestion ni pa bo privasidat, una bes ku bo a konektá ku otro sitenan.